Newyddion Diweddaraf
Mae NEP UK wedi agor cwmni adnoddau Darlledu Allanol a
Stiwdio yng Nghaerdydd. Fe fydd y cwmni newydd, NEP Cymru OB Ltd., yn cymeryd
asedau a staff gan gyd-weinyddwyr Alistair Wardell a Nigel Morrison o Grant
Thornton UK LLP, wedi i Grŵp Barcud Derwen ddod i ben yn gynharach y mis hwn.
Dywedodd Steve Jenkins, Cyfarwyddwr Gweithredol, NEP UK, “Wedi dirywiad anffodus
Grŵp Barcud Derwen, fe aeth NEP ati i gymeryd y cyfle i roi darparwr adnoddau
stiwdio a Darlledu Allanol, ag iddo gefnogaeth gref, yn ôl i mewn i Gymru.
Roedd yr hwb gafwyd i’r fenter gan gwsmeriaid a darlledwyr allweddol yn
anhygoel, ac fe’n hysbrydolwyd i weithio ddydd a nos i sicrhau y byddai’n
llwyddo.”
Fe fydd y cwmni yn gweithredu fel is-gwmni ym mherchnogaeth lwyr NEP (UK)
Investments Ltd a fel chwaer-gwmni i NEP Visions Ltd a Roll to Record Ltd. Tony
Cahalane fydd yn arwain y cwmni newydd fydd yn cyflogi 15 aelod o staff o’r
swyddfa yng Nghaerdydd.
Dywedodd Tony Cahalane, Rheolwr Gyfarwyddwr, NEP Cymru OB,
“Mae wedi bod yn holl bwysig i ni barhau fel cwmni darlledu Cymreig a rydym yn
hapus dros ben ein bod nawr yn rhan o un o’r cwmniau Darlledu Allanol
rhyngwladol mwyaf. Mae hyn yn rhoi cefnogaeth a sicrwydd sydd ei angen arnom ar
hyn o bryd tra’n parhau i fod yn agos at nifer o’n prif gwsmeriaid gartref. “
Newyddion Arall
Stiwdio 1 yw dewis Channel 4 ar gyfer Poker Lounge
NEP Cymru OB fydd yn darparu cyfleusterau ar gyfer rhaglen newydd sbon pocer
Presentable – The Poker Lounge, ar Channel 4 yn yr Hydref.
Bydd y rhaglen yn cael ei ffilmio yn Stiwdio 1 a mae’r cynhyrchwyr yn gobeithio
cyfuno steil ac agosrwydd - bydd chwarae am arian mawr wrth i rai o chwaraewyr
pocer gorau’r byd ymrafael am y brif wobr.
Fe fyddwn hefyd yn darparu cyfleusterau ar gyfer cyfres pocer The Full Tilt gan
Presentable.
NEP Cymru @ Cwpan Ryder 2010
Gyda cymaint o ddisgwyl am ddyfodiad Cwpan Ryder 2010 i Gymru mae NEP Cymru yn
hapus dros ben o fod yn rhan o’r digwyddiad, yn cynnig cyfleusterau Darlledu
Allanol a golygu symudol i raglenni Slam Media ar gyfer S4C.
Gydag unedau symudol, ardal gyflwyno a 3 safle golygu Avid yno, byddwn yn cynnig
y gwasaneth gorau posib o’r chwarae byw yn ogystal â blas o gyffro’r digwyddiad
i wylwyr S4C.
Mae Slam Media yn is-gwmni newydd ei greu o Indus yn arbennigo mewn rhaglenni
chwaraeon a digwyddiadau.
NEP Cymru @ Proms yn y Parc
Rydym yn falch o fod yn darlledu rhaglenni’r BBC Proms o Gymru eleni. Uchafwynt
y wledd gerddorol yma, fel pob blwyddyn, yw noson olaf y Proms ar Fedi’r 11eg a
bydd ein darllediad byw o Proms yn y Parc o Barc Singleton yn Abertawe yn
chwarae rôl allweddol yn narllediad y BBC led-led y Deyrnas Unedig.
NEP Cymru yn ennill cytundeb pêl-droed Rondo Media ar gyfer S4C
Fe fydd NEP Cymru yn cyflenwi’r cyfleusterau ar gyfer darlledu gemau pêl-droed
dydd Sadwrn drwy gydol y tymor ar gyfer rhaglenni newydd Sgorio ar S4C. Fe
fyddwn hefyd yn cynnig gwasanaeth Manylder Uwch o gemau rhyngwladol a Chwpan.
NEP Cymru @ Llangollen 2010
Am y tro cynta eleni fe fydd rhaglenni Eisteddfod Rhyngwladol Llangollen yn
cynnwys darllediadau byw a chyfranniadau o’r pafiliwn mewn Manylder Uwch.
Fe fyddwn yn cynnig dau gyfleuster cynhyrchu ar wahan o fewn HD1 a mae’r
ddarpariaeth ôl-gynhyrchu gyda’r diweddara yn maes.
NEP Cymru OB @ Y Sioe Frenhinol
Rydym yn edrych ymlaen i helpu Boomerang ddod ag arbennigedd darlledu i’r
digwyddiad blynyddol poblogaidd hwn.
Bydd NEP Cymru yn darparu ystod o ddarllediadau byw gan ddefnyddio HD1 a OVT1.
Gyda 12 o ystafelloedd Avid ni fydd yn gyfrifol am y ddarpariaeth ôl-gynhyrchu
yn ogystal â’r darllediad allanol ei hun.
NEP Cymru @ Wakestock
Yn gweithio gyda Avanti ac yn defnyddio HD1 a’i allu i ddarparu dwy ardal
gynhyrchu ar wahan fe fydd NEP Cymru yn helpu dod â hwyl yr wyl unigryw hon i’r
gynulldeidfaoedd adref.
Ein Pennaeth Sain yw Hoff Ddewis Top Gear
Mae Dave Pollock, Pennaeth Sain NEP Cymru, wedi ei ddewis unwaith yn rhagor i
fod yn gynhyrchydd sain ar gyfer un o gyfresi mwya poblogaidd y BBC, Top Gear.
Mae Dave newydd gychwyn gweithio ar y 6ed cyfres gyda thîm cynyrchu Top Gear –
fe yw eu dewis cynta fel goruchwyliwr sain bob tro. .